Astarot presenta o disco ' Baixo a Luz de Breogán' para celebrar os seus 39 anos de andaina musical como unha das bandas referentes do rock galego.                Neste novo traballo discográfico, a banda quixo render homenaxe desde o mundo do rock a autores que marcaron a Literatura en lingua galega, como Rosalía de Castro, Federico García Lorca,  Xela Arias ou Celso Emilio Ferreiro, entre outros.

       Coincidindo coa saída do seu noveno álbum, ‘ Baixo a Luz de Breogán’,  Astarot publicou na súa canle Youtube o  videoclip ‘Camariñas , en homenaxe ao pobo galego coñecido como o "Corazón da Costa da Morte", no que se mostra a beleza das súas paisaxes, as súas costumes e  ás súas xentes, sobre todo os que traballan no mar, así como unha referencia á  " Mostra  do  encaixe" un evento que leva o nome de Camariñas a todo o mundo. Todo iso fusionado co particular Rock Galaico de  Astarot e a música Celta, coa colaboración de Bieito Romero e Xan  Cerqueiro do grupo Luar na Lubre, onde as gaitas,  whistle e guitarras eléctricas fan unha perfecta conxunción de sons.

       No seu noveno disco, a formación creada en Cangas de Morrazo (Pontevedra) segue os pasos dos seus traballos anteriores, pero fusionando aínda máis o son do Rock coas melodías Celtas. O CD ' Baixo a Luz de Breogán' contén 14 cancións, algunhas son temas propios e outras melodías creadas coa letra de autores e escritores destacados que compuxeron en lingua galega.                Como antesala a esta estrea, lanzou os vídeo  clips ‘Negro  Caravel’,ambientado no poema de Rosalía de Castro que está incluído na súa obra ‘Cantares Gallegos’, e o  videolyric ‘ Chove en Santiago’, a súa versión de rock  melódico, que combinan con música tradicional galega, do romance que Federico García Lorca dedicou á cidade de Santiago de Compostela.